
भारतया सर्वोच्च अदालतं ऐतिहासिक फैसला यासें निम्ह वयस्क दथुइ सहमतिइ जुइगु यौन स्वापूयात वैधानिक ठहर याःगु दु । सर्वाेच्चया न्याम्ह न्यायाधीशतय् बेञ्चं समलिङ्गी यौनयात अप्राकृतिक कसुर माने यानातःगु सेक्सन ३७७ धाइगु पुलांगु काुननी प्रावधानयात सर्वसम्मतिं अन्त्य यायेगु फैसला न्यंकूगु खः ।
सर्वाेच्चया थ्व फैसला वयेवं समलैंगिक अधिकारकर्मीतय्सं लसता प्वंकूगु दु । सन् २०१३ य् सर्वोच्च अदालतं पुलांगु कानुनयात हे सदर यानाः न्यंकूगु फैसलाय् जूगु पुनरावलोकन लिपा थ्व फैसला न्यंकूगु खः ।भारतया समलिङ्गी व लैंगिक अल्पसंख्यकतय्सं ताःई न्ह्यव निसें थ्व कानुन विरुद्ध संघर्ष याना वयाच्वंगु खः ।
आः सर्वोच्चया फैसला वःसां व्यवहारय् छु जुइ व धाःसा स्वये ल्यंदनि धाःगु दु ।न्यायाधीशतय्सं सेक्सन ३७७ या संवैधानिक वैधताबारे जक फैसला बियागु स्पष्ट यासें थुकिं ब्याहा व पैतृक सम्पत्तिया अधिकारया दृष्टिकोणं मस्वयागु खँ धाःगु दु ।
LEAVE YOUR COMMENTS