पुरातत्व कर्मचारी विरुद्ध फौजदारी मुद्दा

येँ – सम्पदा बचे यायेगु ज्याय् नकारात्मक भूमिका म्हितूगु धासें पुरातत्व विभागया सिनियर डिभिजन इन्जिनीयर सम्पत घिमिरे, येँ मनपा भौतिक पूर्वाधार विकास विभागया निर्देशक उत्तरकुमार रेग्मी व वल्र्डवाइड कंडेल जेभीया ठेकेदार अर्जुन कंडेलयात विपक्षी दयेकाः म्हिगः महानगरीय प्रहरी कार्यालयय् निवेदन दर्ता याःगु खः ।

नेपाःया हे सांस्कृतिक धरोहर जुयाच्वंगु लानिपुखू दयेकेगु ज्याय् डोजर व सिमेन्ट प्रयोग यानाः सम्पदा ध्वस्त यायेगु ज्याय् भूमिका म्हितूगु धासें सम्पदा बचाउ अभियानय् सक्रिय जुयाच्वंपिं निगू दर्जन स्वयां अप्वः व्यक्तितय्सं थ्व निवेदन दर्ता याःगु खः । सूत्रं धाःकथं लानिपुखूयात स्यंकेगु ज्याय् उमिगु संलग्नता अझं दनिगुलिं थ्व मुद्दा तःगु खः ।

सम्बन्धित बुखँ

LEAVE YOUR COMMENTS