म्हिगः नं सुकुम्बासीतय् प्रदर्शन

येँ (नेपालभाषा टाइम्स) – भूमिहीन सुकुम्बासी लिसे अव्यवस्थित बसोबासीतय्सं थःगु बसोबासया लिसे जग्गाया स्वामित्व सुनिश्चित यायेमाःगु माग यासें म्हिगः नं फिब्वख्यलय् प्रदर्शन याःगु दु । सरकारं वैकल्पिक व्यवस्थापन मयासे थःपिंत थनाछ्वःगु धासें सुकुम्बासीतय्सं ‘थ्व देशय् म्वाये बिउ’ धकाः च्वयातःगु ब्यानर फिब्वख्यलय् प्रदर्शन याःगु खः । सरकारं समस्या मज्यंकल धाःसा आन्दोलन थप सशक्त रुपं न्ह्याकेगु ख्याच्वः नं सुकुम्बासीतय्सं बिउगु दु । सुकुम्बासी प्रेमबहादुर तामाङं सरकारं सुकुम्बासी व हुकुम्बासी छुटे मयासे फुकसितं छथाय् तयेगु ज्या याःगु धासें आपत्ति प्वंकादीगु दु । सरकारं भूमि दुपिं व मदुपिं नागरिकया छानबिन यानाः जक सुकुम्बासी चीकेमाःगु खःसां नं अथे मयाःगु द्वपं नं बिउगु दु ।