टोस्टमास्टर्स लिडरशीप इन्ष्टिच्यूट सुरु

येँ – टोस्टमास्टर्स इन्टरनेशनल अन्तर्राष्ट्रिय सञ्चाल अन्तर्गतया नेपाःलिसे सम्बन्धित डिस्ट्रिक्ट ४१ पाखें मन्डिखाटारय् च्वंगु टोस्टमास्टर्स लिडरशीप इन्ष्टिच्यूटया उलेज्या जूगु दु । थ्व इन्ष्टिच्यूटं टोस्टमास्टर्सया माध्यमं थः दुजःपिंसं विकास याःगु शीप व क्षमतायात थप प्रभावकारी दयेकेत ग्वाहालि याइगु खँ धाःगु दु ।

थ्वहे झ्वलय् निर्णायक शीप (जज) व नेतृत्व क्षमता विकास सम्बन्धी तालिम नं ग्वसाः ग्वःगु दु । नेपालय् संचालन जुयाच्वंगु झिंगुंगू क्लबपाखें थ्यंमथ्यं निसःम्हेसित उगु तालिमय् ब्वति काःगु खः । विश्वब्यापी रुपं क्लब सञ्जाल दुगु टोस्टमास्टर्सं व्यावहारिक अभ्यास व परस्पर उत्प्रेरणापाखें दुजःतय् न्ववायेगु कला व नेतत्व क्षमता विकास यायेगु ज्या याना वयाच्वंगु दु ।

तालिमय् भारत नीरज गुप्ता व नेपाःया रञ्जित आचार्य व सुमन शाक्यं थेंज्याःपिं वरिष्ठ टोस्टमास्टर्सतय्सं प्रशिक्षण बिउगु खः । थ्वहे झ्वलय् इन्ष्टिच्यूटं टोस्टमास्टर्स डिभिजन ए पाखें मेन्टरिङ्ग व मूल्यांकन सम्बन्धी ज्याझ्वः नं सुरु याःगु दु । अथेहे नेपाःया टोस्टमास्टर्सतय् गतिवधिइ केन्द्रीत वेबसाइट नं सुभारम्भ याःगु दु ।