कलंकीया जग्गाया न्हूगु मूल्यांकन

येँ (नेपालभाषा टाइम्स) – सरकारं कलंकी क्षेत्रय् लाःगु जग्गाया न्हूगु मूल्यांकन याःगु दु । भूमि प्रशासन ज्याकुथिं कलंकी क्षेत्र दुने लाःगु जग्गाया आर्थिक दँ २०८३÷८४ या निंतिं क्वःछिउगु न्हूगु मूल्यांकनकथं मुख्य चक्रपथ क्षेत्रया जग्गाया भाः कुहां वःगु दुसा येँ महानगरपालिका दुने लाःगु वडा व चन्द्रागिरि नगरपालिकाया आपालं क्षेत्रया जग्गाया सरकारी भाः थहां वंगु दु ।

प्रमुख जिल्ला अधिकारीया अध्यक्षताय् च्वंगु न्यूनतम मूल्य निर्धारण समितिया बैठकं साविकया (आ.व. २०८२/०८३) या जग्गाया मूल्यांकनयात हिलाः न्हूगु भाः क्वःछिउगु खः । पारित लिखितय् थैली अंक कायम यायेगु प्रयोजनया निंतिं क्वःछिउगु न्हूगु भाः वंगु साउन १ गते निसें लागु जुइधुंकूगु दु ।

न्हूगु भाः कथं मुख्य चक्रपथ (बल्खु–वनस्थली खण्ड) लिसे स्वाःगु जग्गाया भाः आनाय् ३ गू लख न्यय्द्व तकां कुहां वःगु दु । तर कालिमाति, सोल्टीमोड, कलंकी, सीतापाइला व चन्द्रागिरि दुुनेया पक्की व कच्ची सतकलिसे स्वाःगु जग्गाया भाः धाःसा आनां न्यय्द्वःनिसें निगू लख तका थकाःगु दु ।

नेपालभाषा टाइम्स

च्वमिया मेमेगु

• शिक्षा व स्वास्थ्यया समता कर लितकाल
• स्वीकृति मकासे न्हूगु दरबन्दी सिर्जना याये मदइगु
• येँ महानगरया आर्थिक ऐन कार्यान्वयनय् : विशेष छ्यापं व जरिवाना मिनाहाया सुविधा
• क्यानेडियन नेवाः गुथिया पुलांगु व वर्तमान ज्यासना पुचःया भेला
• ख्यालः कासाय् उत्कृष्ट जूगु पुचःयात हना