रुपन्देहीया देवदहय् हिदान

येँ- नेपाल स्वयमसेवी रक्तदाता समाज देवदह नगर समिति व देवदह उद्योग वाणिज्य संघया मंकाः ग्वसालय् रुपन्देहीया देवदहय् हिदान ज्याझ्वः जुल ।

समाजया केन्द्रीय नायः प्रेमसागर कर्माचार्यया प्रमुख आतिथ्यताय् जूगु ज्याझ्वः संघया अध्यक्ष गोपालप्रसाद ढकाल व समाजया देवदह नगर समितिया अध्यक्ष विजय गुरुंगया मंकाः सभापतित्वय् जूगु खः । मूपाहां कर्माचार्यं गमलाय् च्वंगु स्वांमाय् लः बियाः उलेज्या यानादीगु ज्याझ्वलय् विशेष पाहांकथं झायादीपिं देवदह नगरपालिकाया प्रमुख हिरा खत्री, वडा नं. ७ या वडाअध्यक्ष पदमबहादुर थापा, नेपाल रेडक्रस रुपन्देहीया मन्त्री कृष्ण पंगेनीं थःथःगु नुगःखँ तयादीगु खः ।

ज्याझ्वलय् नवासें नगरप्रमुख खत्रीं देवदह नगरपालिकाय् निःशुल्क हि काये फइगु व्यवस्था यायेगु जुइ धासें उकिया निंतिं फक्व याकनं कार्यपालिकाया छगू मुँज्या च्वनाः उकियात कार्यान्वयनय् हयेगु जुइ धयादिल ।

ज्याझ्वलय् मूपाहां कर्माचार्य, विशेष पाहां नगर प्रमुख खत्री, समाजया केन्द्रीय दुजः भिम बिक (कैलाली), अपांग सेवा समाजया बालकुमार श्रेष्ठयात लगायतया पाहांपितं मतिनाया चिं नं लःल्हाःगु खः सा निम्हं सभापतिं मूपाहांयात मतिनाया चिं लःल्हासें सम्मान याःगु खः ।

सम्बन्धित बुखँ

LEAVE YOUR COMMENTS