शंखधर पार्क उलेज्या

थिमि – मध्यपुर थिमि नगरपालिकां दयेकूगु न्हूगु शंखधर पार्क म्हिगः येँ महानगरपालिकाया मेयर विद्यासुन्दर शाक्यं उलेज्या यानादिल । नेपाल संवत्या प्रवर्तक शंखधर साख्वःया नामं दयेकूगु उगु पार्क म्हिगः शंखधर दिवस कुन्हु हे लाकाः उलेज्या जूगु खः । पार्क दयेकेगु लागिं येँ महानगरपालिकां थिमियात नगर–नगर साझेदारी कार्यक्रम अन्तर्गत निगू करोड तका दां ग्वाहालि याःगु खः ।

उलेज्या समारोहय् येँ मनपाया मेयर विद्यासुन्दर शाक्य, मध्यपुर थिमि नगरपालिकाया मेयर मदनसुन्दर शाक्य, राष्ट्रिय विभूति शंखधर साख्वाः प्रतिष्ठानया दुजः ज्ञानराम श्रेष्ठपिंसं न्ववानादीगु खः । म्हिगः शंखधर दिवस हनेगु लागिं थिमि नपाया उगु वडाय् सार्वजनिक बिदा समेत बिउगु खः । उलेज्या लिपा बहनी अन सांस्कृतिक ज्याझ्वः नं जूगु खः ।

सम्बन्धित बुखँ

LEAVE YOUR COMMENTS