ने. सं. ११४६ दिल्लाथ्व पारू -

निजीयात विज्ञापन मबीगु सरकारी निर्णय खारेज

येँ (नेपालभाषा टाइम्स) – निजी क्षेत्रया सञ्चार माध्यमयात सरकारी विज्ञापन मबीगु सरकारया निर्णययात सर्वोच्च अदालतं खारेज याना बिउगु दु । म्हिगः सर्वोच्च अदालतया न्यायाधीशपिं शारंगा सुवेदी व नृपध्वज निरौलाया मंकाः इजलासं थ्व फैसला न्यंकूगु खः । वंगु २०८२ साल चैत १८ गते सरकारं सरकारी विज्ञापन व सुचं सरकारी स्वामित्वया सञ्चार माध्यमयात जक बीगु व निजी सञ्चार माध्यमयात मबीगु निर्णय याःगु खः । उकिया विरुद्ध नेपाल मिडिया सोसाइटी पाखें सरकारया निर्णय विरुद्ध वंगु चैत २४ गते रिट तःगु खः ।