यादवयात याःगु दुव्र्यवहार विरुद्ध ज्ञापन

येँ – एभिन्युज टेलिभिजनया पत्रकार सुशील पाण्डें अन्तर्वार्ता कायेगु झ्वलय् उपप्रधानमन्त्री लिसें समाजवादी पार्टीया राष्ट्रिय अध्यक्ष उपेन्द्र यादवयात अभद्र व्यवहार याःगुलिं पत्रकारयात कारबाही यायेमाःगु माग यासें समाजवादी पार्टी नेपालया कार्यकर्तातय्सं म्हिगः येँया सिडियो ज्याकुथी निवेदन बिउगु दु ।

निवेदनय् पत्रकारिताया आचार संहिता अःखः व्यवहार याःगु धासें पत्रकारयात कारबाही यायेमाःगु खँ धयातःगु दु । प्यन्हु न्ह्यः एभिन्युज टेलिभिजनय् प्रत्यक्ष अन्तर्वार्ता कायेगु झ्वलय् पत्रकार पाण्डें मन्त्रीयात लिसः बियाच्वंगु इलय् हे ‘छि थनं पिहां झासँ’ धइगु अपशब्द प्रयोग यानाः अपमान याःगु खः ।

पत्रकारया उगु दुव्र्यवहारपाखें नेता यादव दथुइ हे अन्तर्वार्ता त्वःताः पिहां वने माःगु खः । पत्रकार पाण्डेया उगु व्यवहारयात कयाः प्रेस काउन्सिल नेपालं नं स्पष्टीकरण बीगु लागिं एभिन्युज टेलिभिजनया पौ छ्वये धुंकूगु दु । लिसें उगु हे पार्टीया मेम्ह अध्यक्ष डा. बाबुराम भट्टराईनं नं पत्रकार पाण्डें याःगु दुव्र्यवहारयात कयाः आलोचना यानादीगु दु ।

मेखे पत्रकारिता ख्यलय् सक्रिय जुयाच्वंपिं पत्रकारतय्सं नं पाण्डें नेता यादवयात याःगु व्यवहार गलत खः धकाः सामाजिक सञ्जालय् धायेगु याना हःगु दु । समाजवादी पार्टीं धाःसा थः कार्यकर्तातय्त संयम जुइत इनाप याःगु दु ।

सम्बन्धित बुखँ

LEAVE YOUR COMMENTS