ने. सं. ११४६ तछलागा नवमी - त्रिशुल जात्रा नःक्वाः दिसि

उत्तर कोरियाया प्रधानमन्त्री चीन वनीगु

प्योङयोङ – उत्तर कोरियाया प्रधानमन्त्री पाक थोई सोङ शुक्रवाः चीन भ्रमणय् वने त्यंगु दु । प्रधानमन्त्री सोङ स्वन्हुया भ्रमणया निंतिं चीन वनेत्यंगु खः।

सोङ उत्तर कोरिया व चीन दथुइ मैत्री सन्धि स्थापना जूगु वार्षिकोत्सवया लसताय् जुइगु ज्याझ्वलय् ब्वति काये गु निंतिं उखे पाखे वनेत्यंगु खः । सोङया थ्व भ्रमणयात निगू परम्परागत मित्र राष्ट्रया दथुइ सम्बन्धय् अझ सुधार जुयाः क्वातुया वनीगु संकेत बिउगु अन्तर्राष्ट्रिय संचार माध्यमं न्ह्यथंगु दु ।

थुगु दँ उत्तर कोरिया व चीन दथुइ मैत्री, ग्वाहालि व थवंथवय् ग्वाहालि यायेगु सम्बन्धी सम्झौताय् ल्हाःचिं तःगु ६५ दँय् क्यने त्यंगु दु । निगू देय्या दथुइ जूगु थ्व सम्झौता बेइजिङया छगू जक औपचारिक रक्षा सम्झौता नं खः ।