जनबहालय् नेवाः परम्परा बाजं मंकाः ब्वज्या
येँ (नेपालभाषा टाइम्स) – कसाः तःधं गुथि कसाः युवा पुचःया ग्वसालय् जनबहाः दे गलय् दुने जनबहाः द्यः व जनबहाःया बारे वेवसाइटया क्यूआर उलेज्या वंगु शनिवाः क्वचाये कूगु दु । उगुहे न्हिखुन्हु बहनी जनबहालय् सांस्कृतिक ज्याझ्वः नं याना तःजिक झःझः धाय्क ब्वज्या क्वचायेकूगु दु ।थुकथं क्यूआर उलेज्याया झ्वलय् जनबहाःया गुजुपिसं जनबहाः द्यःया धलं मण्डपय् च्वना स्वष्ति वाचन याना बिज्यागु खः ।
उदाय्तय्गु खुगू धाःबाजं खलःपिं मुना मंकाः गुंलाबाजं ब्वज्या याःगु बाजं ब्वज्याया झ्व्लय् जनबहाः गुंला बाजं खलः, असं बाजं गुथि, न्यत तुलाधर गुंलाबाजं, ताम्राकार गुंला बाजं खलः, ते बहाः गुंला बाजं खलः व स् थापित गुंला बाजं खलःपिसं सक्रियता क्यना ब्वति कयाः मंकाः धाः बाजं थाना ब्वज्या याःगु खः ।
जनबहालय् जनबहाः द्यःया न्ह्यो ने जूगु थुगु गुंलाबाजं व्वज्या याये गु झ्वलय् दकले न्हापां थँहिति मानन्धर गुथिपाखें करुणामय दाफा थाये गु ज्या याःगु खः । थुकथं हे करुणामय चचा प्याखँ नमामि शाक्यं न्ह्यब्वयादीगु खः । थुगु चचा प्याखँया चर्यागुरु स्वयम्भू रत्न शाक्यया चचा म्येय् जूगु खःसा थुगु चचा प्याखँया स्यनामि संगीता शाक्य खः ।
थुकथं हे बाजं ब्वज्याया झ्वलय् जनबहाः गुंलाबाजं खलःपाखें करुणामय ग्वारा थाये गु ज्या नं जूगु दु । नापं थुगु खलःपाखें सांगीतिक ख्यलय् तसकं लोकंव्हाःगु कान्ता दव दव नापं थाना धाःबाजं थाना थःगु प्रस्तुति न्ह्य ब्वगु खः । थुगु ज्याझ्वलय् कान्तां दव दवपाखें नं थःगु यइपुगु सांगीतिक ज्याझ्वः न्ह्य ब्वगु खः ।
ज्याझ्वःया लिपांगु ब्वय् ज्याझ्वः ताःलाके त बाजं थाना ग्वहालि याःपिं खलः पुचःयात तःधं गुथिया नायः अशोक ज्योति कसाःनं मतिनाया चिं लःल्हानादीगु खःसा मिसा पुचःया नायः अमिता कसाःनं खादागा कसाः क्वखाये कादीगु खः ।
म्ये हालामि नापं लिपि प्रशिक्षक पवित्र कसाः व कसाः युवा पुचःया न्वकू प्रविधि कमल कसाःनं न्ह्याकादीगु उगु ज्याझ्वलय् कसाः तःधं गुथिया नायः अशो क ज्यो ति कसाःनं लसकुस न्वचू बियादीगु खःसा जनबहाःद्यःया गुर्जुनीलकाजी शाक्यं थुगु बाजं ब्वज्या तसकं बांलागु खः धासें थःगु नुगः खँ तयाः बिज्यागु खः ।
ज्याझ्वःया लिपांगु ब्वय् झझ धाय्क छायेपिया तःगु जनबहालय् जनबहाः पँंयता पुचःपाखें पंँयता ब्वज्या याना ज्याझ्वः क्वचायके गु खः । ज्याझ्वलय् ब्वति कायेत वःपिं गुंलाबाजं खलकं थःथःगु बाजं थाना जनबहाःद्यःया दे गः चाहिला द्यःया दर्शनया ज्यायाना जक ज्याझ्वलय् ब्वति काःगु खः ।
LEAVE YOUR COMMENTS