जसपां ल्यल झिगुलिं निर्वाचन क्षेत्र संयोजक
येँ(नेपालभाषा टाइम्स)÷जनता समाजवादी पार्टी नेपाल (जसपां) येँया झिगुलिं निर्वाचन क्षेत्रया निंतिं संयोजक ल्यःगु दु । जसपा नेपालया येँ जिल्ला समितिया हालय् च्वंगु पूर्ण बैठकं येँ जिल्लाया झिंगुलिं निर्वाचन क्षेत्रया संयोजक क्वःछिउगु खः ।
बैठकं येँ क्षेत्र नं. १ य् सुर्दशन मुनकःमि, क्षेत्र न २ लय् शेरबहादुर तामाङ संयोजक व गोपाल तण्डुकार सह संयोजक, ३ नं. क्षेत्रय् भेषबहादुर दाहाल, ४ नं. य् कृष्ण मानन्धर, ५ नं. य् महेश अधिकारी संयोजक व टेकबहादुर लिम्बु सहसंयोजक ल्यःगु दु ।
थुकथं हे निर्वाचन क्षेत्र नं ६ लय् नरेश शाक्य संयोजक व मैयाँ काफ्ले सह संयोजक, ७ नं य् श्रीजनमान श्रेष्ठ, ८ नं क्षेत्र् सनोज वैद्य, ९ नं. य् अनुज श्रेष्ठ व १० नं. य् संगम शर्मायात संयोजककथं ल्यःगु दु ।
येँया झिगुलिं निर्वाचन क्षेत्रय् पार्टीया संयोजक ल्ययेग ज्यां पार्टीया सांगठनिक व वैचारिक खँयात जनताया दथुइ यंकेत व जनताया सेवा यायेगु ज्याय् नं सहज जुइगु अपेक्षा यानागु जसपाया येँ जिल्ला समन्वय समितिया उपाध्यक्ष श्रीजनमान श्रेष्ठं कनादीगु दु ।
LEAVE YOUR COMMENTS