ने. सं. ११४६ चाैलागा त्रयोदशी - थिमि बालकुमारी जात्रा

नुवाकोटय् चैत्य दयेकेत थौं मंकाः पंजरां

येँ (नेपालभाषा टाइम्स)/नेवाः बौद्धतय् तःजिगु नखः पंजरां (पञ्चदान) थौं हनाच्वंगु दु । थौं गुंलागा त्रियोदशी कुन्हु येँया थीथी बहाःबही व त्वाःत्वालय् पंजरां कालबिल यानाः थ्व पर्व हनेगु याइ । थुकी येँया शाक्य व वज्राचार्यपिंसं पंजरां फः वनीसा शाक्य वज्राचार्य लिसें थीथी बौद्ध समुदायं पंजरां बीगु याइ ।
थ्वहे झ्वलय् थुगुसी वज्राचार्य क्लबपाखें मंकाः पंजरां फयेगु ज्याझ्वः दयेकूगु दु । थुकिया लागिं थौं सुथय् ७ बजे थनया क्वाःबहालय् मुनाः मंकाः पंजरां फः वनेगु खँ क्लबं धाःगु दु । अनं येँया झिंच्यागू महाविहार व बही चाःहिलीगु ज्याझ्वः दु । मंकाः पंजरांपाखें मुंगु दान दक्षिणा नुवाकोटया स्वयम्भूइ चैत्य दयेकेत बीगु खँ नं क्लबं धाःगु दु ।