नेवाः सांसदपिंसं नेवाःभासं शपथ

येँ– प्रदेश नं. ३ पाखें त्यानावंपिं नेवाः सांसदतय्सं नेवाः भासं सपथ ग्रहण यानादीगु दु । थौं हेटौंडाया शिक्षा निर्देशनालयय् जूगु शपथ ग्रहण ज्याझ्वलय् सांसदपिं केशव स्थापित, राजेश शाक्य, अजयक्रान्ति शाक्य, अष्टलक्ष्मी शाक्य, नरोत्तम वैद्य लगायतयापिं नेवाः सांसदतय्सं नेवाः भासं शपथ ग्रहण यानादीगु खः ।

प्रदेश नं. ३ या प्रमुख अनुरोधा कोइरालां ज्येष्ठ सांसद डोरमणि पौडेलयात क्षेत्रीय प्रशासन कार्यालयय् शपथ ग्रहण याकादीगु खः । थ्व धुंकाः ज्येष्ठ सांसद पौडेलं शिक्षा निर्देशनालयय् मेपिं सांसदतय्त शपथ ग्रहण याकादीगु खः । शपथ ग्रहणय् जनजातिपिं थःथःगु भेषभुषाय् नं थ्यंगु खः ।

थौं शपथ ग्रहण जूसां प्रदेश नं. ३ या न्हापांगु अधिवेशन धाःसा क्वःछिउगु मदु । संविधान कथं शपथ ग्रहण जूगु २० न्हु दुने प्रदेश प्रमुखं अधिवेशन सःतेमाः ।

किपा ग्वाहालि – विनोद तुलाधर

नेपालभाषा टाइम्स

च्वमिया मेमेगु

• ज्यापु दिवसया लसताय् सुकुन्दा र्‍याली
• मस्तय् अनलाइन जोखिमपाखें सुरक्षित यायेत सरकार प्रतिबद्ध
• ‘आः विमान न्यायेत फुक्क हे ग्याइगु जुल’
• नेवाः हना सिरपाः लःल्हात
• एनपिएलय् न्हापांगु शतक, पोखरा व कर्णाली त्यात