पत्रकार महर्जनत्वःतकेत रिट दायर

येँ – किपुली पिहां वइगु ‘न्हूगु ज्वजलपा’ पत्रिकाया प्रधान सम्पादक जितेन्द्र महर्जनयात त्वःतेमाःगु माग यासें नेपाल पत्रकार महासंघं सर्वोच्च अदालतय् बन्दी प्रत्यक्षीकरण रिट दायर याःगु दु । महासंघपाखें केन्द्रीय दुजः जन्मदेव जैसीं प्रधानसम्पादक महर्जनया गिरफ्तारी संविधान विरुद्ध धासें बिना शर्त त्वःतेत माग यासें रिट तःगु खः ।

वंगु चैत २६ गते न्हिनय् पत्रिकाया ज्याकुथि ज्या यानाच्वंगु इलय् प्रहरीं महर्जनयात अपहरण शैलीं ज्वनाः चरम यातना बिउगु खँ धाःगु दु । महर्जनया रिट बारे थौं सुनुवाई जुइत्यंगु दु । महर्जनया पक्षय् वरिष्ठ अधिवक्ता शेरबहादुर केसी, एकराज भण्डारी, कपिलचन्द्र पोख्रेल व कान्ति ढुंगानां बहस यानादी ।