यल नेवाः समाज गठन
यल नेवाः समाज गठन
यल(नेपालभाषा टाइम्स)÷थनया छथ्वः नेवाःत मुनाः यल नेवाः समाज गठन याःगु दु । समाज गठनलिसें यल जिल्ला प्रशासन ज्याकुथिइ दर्ता नं याःगु दु ।
मुक्कं नीछम्ह मुनाः गठन याःगु समाजया गुम्हेसिया ज्यासना पुचः नं गठन याःगु दु । ज्यासना पुचलय् विनोद ताम्रकार नायः, न्हुछेबहादुर नेम्कुल न्वकु, संजय शर्मा राजोपाध्याय छ्याञ्जे, शिवराम तण्डुकार दांभरिं, विष्णुलाल सिकःमि लिउछ्याञ्जेय् च्वनादीगु दुसा दुजलय् दीपकमान जोशी, धर्मरत्न शिल्पकार, कृष्णमाया नापित, समुन्द्रमान रंजितकार च्वनादीगु दु ।
थनिं स्वदँ न्ह्यः २०७७ सालय् पूच्वय् बुंगद्यः सालेगु झ्वलय् गुगु घटना जुल उकिं वय्कःपिं सकसितं छगू हे थासय् वयेगु लँपु चायेका बिउगु खः । थीथी पेशा व लजगाः यानाच्वंपिं समाजया दुजःपिंसं व हे लँपु ज्वनाः हालय् जक यल नेवाः समाज नीस्वनाः विधिवत रुपं जिल्ला प्रशासन ज्याकुथिइ दर्ता तं याःगु खः ।
समाजं सांस्कृतिक सम्पदाया संरक्षण, संवद्र्धन यायेगु नापं सामाजिक व सांस्कृतिक ख्यलय् थीथीकथंया गतिविधि यायेगु उद्देश्य काःगु दु । थ्व बाहेकं मूर्त अमूर्त धार्मिक, सांस्कृतिक सम्पदाया संरक्षण यायेगु नं समाजया उद्देश्य जूगु छ्याञ्जे राजोपाध्यायं ‘नेपालभाषा टाइम्स’यात कनादीगु दु ।
लिसें वय्कलं थीथी आदिवासी जनजाति संघसंस्थालिसे आवश्यककथं सहकार्य याना वनेगु नापं थीथी समुदाय दथुइ सीप विकास व प्रविधिया हस्तान्तरणयात नं प्राथमिकता बिया वनेगु समाजया उद्देश्य दुगु वय्कलं कनादीगु दु ।
LEAVE YOUR COMMENTS