बञ्चरेडाँडा आन्दोलन हिलीगु, असोज २० तक अल्टिमेटम

येँ (नेपालभाषा टाइम्स)- बञ्चरेडाँडा ल्याण्डफिल साइत प्रभावित क्षेत्रया स्थानीय वासिन्दाया मागयात कयाः सरकार गम्भीर दुगु पौ च्वयेवं प्रभावित स्थानीय सरोकार समितिं आन्दोलनया स्वरुप हिउगु दु । प्रधानमन्त्री तथा मन्त्रिपरिषदया कार्यालय व शहरी विकास मन्त्रालयं स्थानीय वासिन्दाया माग प्रति सरकार गम्भीर जूगु धासें पौ छ्वयेवं आन्दोलनया स्वरुप हिलेगु निर्णयय् समिति थ्यंगु खः ।

स्थानीय वासिन्दां थ्वहे वइगु असोज १ गतेनिसें फोहोर ज्वनाः वंगु गाडी पनेगु कथं आन्दोलनया घोषणा याःगु खःसा सरकारं उगु आन्दोलन लित कायेत इनाप याःगु खः ।

म्हिगः पत्रकार सम्मेलन यासें बञ्चरेडाँडा सरोकार समितिं १ असोज निसें २० गते तक रचनात्मक विरोध यायेगु व वयां लिपा नं माग पूमवन धाःसा फोहोरया गाडी पनेगु कठोर आन्दोलन यायेगु ख्याच्वः बिउगु दु । असोज २० गते तक नं माग पूमवन धाःसा असोज २१ गते सुथय् ६ बजे निसें ११ बजे तक फोहोर ढुवानी याइगु गाडीयात ल्याण्डफिल साइतय् दुमकायेगु घोषणा म्हिगःया पत्रकार सम्मेलनय् याःगु दु ।

समितिं सरकारयाके प्यंगू बुँदे माग तयाः आन्दोलनया घोषणा याःगु खः । समितिं सरकारयाके मानव बस्ती मदुगु ल्याण्डफिल साइत विकास क्षेत्र दयेकेमाःगु, फोहोर मैला प्रदुषण रहित बस्ती विकास क्षेत्र, प्रभावित क्षेत्रयात विशेष संवेदनशील क्षेत्र निर्णय यानाः कार्यान्वयन यायेमाःगु, फोहोर विकास प्राधिकरण गठन यायेमाःगु माग याःगु दु ।

उकथं हे समितिं येँ महानगरपालिका लिसे २०७९ जेठ २३ गते जूगु सहमति स्वलाया दुने अनिवार्य कार्यान्वयन यायेमाःगु, २०६२ साल निसें २०८० साल तकया दुने फाहोर ढुवानी यायेगु प्रयोजनय् सवारी साधन दुर्घटनाय् लानाः सीपिं स्थानीय व्यक्तिया छेँजःपिंत जागिर नकेमाःगु माग नं याःगु दु ।

उकथं हे बञ्चरेडाँडाय् फोहोर वायेगु झ्वलय् जूगु २ अर्ब स्वयां अप्वः क्षतिया लागिं येँ महानगरपालिकां क्षतिपूर्ति बीमाःगु, तीनपिप्लेनिसें बञ्चरेडाँडा तकया व्यक्तिया नामय् दुगु जग्गा सतकं अतिक्रमण याःगुलिं येँ महानगरपालिका व स्वनिगःया नगरपालिकां मुआब्जा बीमाःगु माग नं समितिं याःगु दु ।

सम्बन्धित बुखँ

LEAVE YOUR COMMENTS