महानगरं स्वम्ह नेवाः हस्तीयात हनीगु

येँ (नेपालभाषा टाइम्स)- येँ महानगरपालिकायां महानगर दिवसया लसताय् स्वम्ह नेवाः व्यक्तित्वतय्त हनीगु जूगु दु । येँ मनपाया स्वीक्वःगु महानगर दिवसया लसताय् नेवाः न्ह्युलवा लिसें मानव अधिकारकर्मी मल्ल के. सुन्दर, नांजाःम्ह चित्रकार किरण मानन्धर व साहित्यकार प्रकाश साय्मियात हनेत्यंगु खः । येँया सैनिक मञ्चय् उपराष्ट्रपति रामसहाय यादवया प्रमुख आतिथ्यताय् जुइगु ज्याझ्वलय् वय्कःपिं हनेत्यंगु खः ।