प्रदेशया नां बारे अझं सहलह

येँ -३ नम्बर प्रदेशया नामाकरण बारे नेपाल कम्युनिष्ट पार्टी सचिवालयं बिउगु निर्देशनयात वहे दलया सांसदतय्सं विरोध यायेवं आः बागमति प्रदेशया नापनापं मेगु नां सम्बन्धी प्रस्ताव नं दर्ता याके बीगु विषयय् सहलह जुयाच्वंगु खँ धाःगु दु ।

छम्ह प्रदेश सांसदं कनादी कथं प्रदेश ३ या संसदं क्वःछिउगु कार्यविधि कथं न्हापा दर्ता यानातःगु ‘नेपालमण्डल’, ‘नेवाः–ताम्सालिङ’ व ‘गौरीशंकर’ नां सम्बन्धी प्रस्तावयात छु यायेगु धइगु बारे म्हिगः प्रधानमन्त्री निवास बालुवाटारय् सहलह जूगु खः । प्रदेशया नामाकरण बारे दयेकूगु कार्यविधिया अनुसूची १ कथं प्रदेशया नेकपां हयेत्यंगु ‘बागमति’ प्रदेश बाहेक मेमेगु नां सम्बन्धी प्रस्तावत नं दर्ता याये दयेमाः धकाः प्रदेश सांसदतय्सं माग यानाच्वंगु दुसां पार्टीं धाःसा छगू सूत्रीय ढंगं ‘बागमति प्रदेश’ जक दर्ता यायेगु कुतः जुयाच्वंगु खँ धाःगु दु ।