नेपालभाषाया न्हूगु श्रृंखला वइगु

किपू (नेपालभााषा टाइम्स)- मगन इन्टरटेन्मेन्टं थःगु युट्युब च्यानलपाखें नेपालभाषा टेलिप्याखंया श्रृंखला निर्माण याइगु जूगु दु । मगन इन्टरटृन्मेन्ट ‘लिधंसा–द सपोर्ट’ या नामं नेपालभाषाया श्रृंखला (धारावाहिक) निर्माण यायेत्यंगु खः ।

इन्टरटेन्मेन्टया निर्देशक रजिन महर्जनया लेखन व निर्देशनय् थौंकन्हय् टेलिप्याखंया शुटिंगया ज्या न्ह्यानाच्वंगु दु । थ्व हे झ्वलय् श्रृंखलाया छगू टिजर नं सार्वजनिक याःगु दु । मगन इन्टरटेन्मेन्टया यु ट्युब च्यानलपाखें प्रशारण यायेकथं निर्माण जुयाच्वंगु श्रृंखला पारिवारिक व सामाजिक विधाया जुइगु जानकारी निर्माण पक्षं बिउगु दु । श्रृंखलाय् लक्ष्मीकुमार महर्जन, सरिता शिल्पकार, सुरेन्द्र महर्जन, राजेन्द्र महर्जन, सुधा महर्जन, रमेश माली, देबेन्द्र महर्जन लगायतया कलाकारपिनिगु अभिनय स्वये खनी ।

मगन इन्टरटेन्मेन्टं नांजाःपिं म्येँ हालामिपिं सतिश महर्जन व रत्नशोभा महर्जनया सः दुथ्यानाच्वंगु टिजर सार्वजनिक याःगु खः । श्रृंखलया उगु शीर्ष म्येँ निर्देशक महर्जनं हे च्वयादीगु खः ।