उपनिर्वाचन जुइगु स्थानीय तहलय् सार्वजनिक बिदा

येँ (नेपालभाषा टाइम्स)- वइगु मंसिर १६ गते जुइगु स्थानीय तहया उपनिर्वाचन कुन्हु उपनिर्वाचन जुइगु स्थानीय तहलय् सार्वजनिक बिदा जुइगु जूगु दु । निर्वाचनय् आयोगं प्रमुख व उपप्रमुखया निर्वाचन जुइगु स्थानीय तहया फुक्क वडा व वडाअध्यक्षया निर्वाचन जुइगु थासय् उगु वडा लागाय् सार्वजनिक बिदा बीत सिफारिस याःगु खः ।

अथेहे आयोगं मतदातापिंत विदाया सुविधा बीगु वा मेगु मिले जूगु वैकल्पिक उपाय छ्यलाः मतदान यायेत अःपुगु व्यवस्था मिले यायेत नं सम्बन्धित स्थानीय तह, जिल्लास्थित निजीख्यःपाखें न्ह्यानाच्वंगु औद्योगिक, शैक्षिक व मेमेगु प्रतिस्थानयात इनाप याःगु दु । वइगु आइतबाः सुथय् ७ ताः इलंनिसें सनिलया ५ ताः ईतक मतदान जुइ ।