किपू मेयरय् २० म्हेसिया उम्मेदवारी
येँ (नेपालभाषा टाइम्स)- स्थानीय उपनिर्वाचनया झ्वलय् किपू नगरपालिकाया मेयर पदया निंतिं जक झिंन्याम्हेसिनं उम्मेदवारी दर्ता याःगु दु । वइगु मंसिर १६ गते जुइगु उपनिर्वाचनया निंतिं निर्वाचन आयोगं म्हिगः आइतवाः उम्मेदवारी दर्ताया न्हि क्वःछिनातःगु खः ।
किपुया मेयरया निंतिं राजनीतिक पार्टीतपाखें गुम्ह व स्वतन्त्र पाखें झिंछम्हेसिनं उम्मेदवारी बिउगु खः । दलतपाखें एमाले, कांग्रेस, माओवादी केन्द्र, राप्रपा, नेसपा, जसपा, नेमकिपा एकीकृत समाजवादी, व जनमत पार्टीं उम्मेदवार थंगु दुसा स्वतन्त्रय् सफाइ अभियन्ता राजमान महर्जन मानव, आनन्द महर्जन, कविकुमार महर्जन, धर्मरत्न मानन्धर, नरेश श्रेष्ठ, नरेशराज पाण्डे, प्रेमबहादुर महर्जन, मिम महर्जन, रामकृष्ण महर्जन, दिनेशकुमार अधिकारी, डा. नवरथकुमार बानियालगायत च्याम्हेसिनं उम्मेदवारी बिउगु खः ।
किपूया मेयरया निंतिं एमाले पाखें डा. सुरेन्द्र मानन्धर, कांग्रेसपाखें कृष्णमान डंगोल, माओवादीपाखें डा. शिवशरण महर्जन, राप्रपापाखें ई. धु्रव महर्जन, जसपापाखें तेस्रो लिंगी उम्मेदवार दीपक (हनि)ं महर्जन, नेसपापाखें दिलकुमार महर्जन, एकीकृत समाजवादीपाखें भानु रिजाल,, जनमतपाखें केशव श्रेष्ठ, नेमकिपा, पाखें श्रीकृष्ण महर्जनं उम्मेदवारी बिउगु दु । किपुली रास्वपांं धाःसा उम्मेदवारी मबिउ । एकीकृत समाजवादीं माओवादी उम्मेदवारयात समर्थन यायेगु धयातःगु खःसा उम्मेदवारी धाःसा बिउगु दु । रास्वपां स्वतन्त्र उम्मेदवारयात समर्थन यायेफु धाःगु दु, तर गुम्ह स्वतन्त्र उम्मेदवारयात समर्थन यायेगु धयागु धाःसा म्हिगः सनिलय् ५ बजे तक धाःगु मदुनि ।
थुगुसी उपनिर्वाचनय् मुक्कं ४४ पदया निंतिं निर्वाचन जुइत्यंगु दुसा थुकी येँ जिल्लाय् जक किपू नगरपालिका मेयर लिसें किपूया १ व ४ वडाया अध्यक्ष व येँ महानगरपालिका १६ वडाया यानाः प्यंगू थासय् उपचुनाव जुइत्यंगु दु ।
किपूया १ वडा एमालेपाखें हर्ष महर्जन, कांग्रेसपाखें इच्छा महर्जन, नेमकिपापाखें कृष्णप्रसाद महर्जन, माओवादीपाखें सरलगोपाल महर्जन, राप्रपापाखें सुरेन्द्र उप्रेती, जसपापाखें तेस्रो लिंगी मोनी महर्जनयात उम्मेदवार दयेकूगु दु । अथेहे ४ वडाय् एमालेपाखें बद्री बुढाथोकी, कांग्रेसपाखें राजेन्द्र बानियाँ, माओवादीपाखें नारायण बिष्ट राप्रपापाखें बिजेश बस्नेत, स्वतन्त्रपाखें मदुम्ह वडाअध्यक्ष श्यामकुमार अधिकारीया कलाः पविता अधिकारी, नेमकिपापाखें महेश्वर सुवेदीयात उम्मेदवार दयेकूगु दु ।
येँ महानगरपालिका १६ वडाय् एमालेपाखें लक्ष्मीरत्न तुलाधर, नेपाली कांग्रेसपाखें देवेन्द्र पाठक, रास्वपां रोजिना श्रेष्ठ व एकीकृत समाजवादी पार्टी मिनबहादुर मानन्धरयात उम्मेदवारी दयेकूगु दु । येँ १६ वडाय् माओवादीं एकीकृत समाजवादीया उम्मेदवारयात ग्वाहालि याइगु जूगु दु ।
LEAVE YOUR COMMENTS