पंचबुद्ध गुरुजुपिंत लं देछाः

येँ – यँयाःया कुमारिया खः सालीगु इलय् कुमारिया रथ न्ह्यः न्ह्यः बिज्याःपिं पंचबुद्ध गुरुजुपिंत ग्वाहालि याइपिंत पंचबुद्धया रंगीन किपा दुगु लँ देछाःगु दु । देव विकास बैंकं पंचबुद्ध गुरुजुपिंत पंचबुद्धया हे किपा दुगु लँ देछाःगु खः ।

उगु इलय् पंचबुद्ध गुरुजुया नायः राजगुरुजु मञ्जुश्रीरत्न वज्राचार्यं कुमारिया रथयात्राया न्ह्याकेगु इलय् छुं कथंया पंगः मवयेमा धकाः पंचबुद्ध गुरुजुं कुमारि छेँया आगमय् वज्रयानी बौद्ध परम्पराकथं कुमारि पुजा याइगु व रथयात्राया इलय् नं दुवा दुवातय् बौद्ध परम्पराकथं नृत्य यानाः पुजा यायेमाःगु परम्परा दुगु खँ कनाबिज्यात ।

तर थौंकन्हय् जात्राय् हुलमुल जुइक धित्तुधिनाः वइगु व थःपिंत तक हे घ्वाना छ्वइगु जूगुलिं स्वयंसेवकया व्यवस्था यायेमाःगु खः धासें बैंकं इमिगु निंतिं धकाः उकथं पंचबुद्धया किपा दुगु लं देछाःगु जानकारी बियाबिज्यात ।
लिसें वसपोलं बैंकं माःगु इलय् माःकथं ग्वाहालि नं याना वयाच्वंगुलिं बैंकया सुभाय् नं देछानाबिज्याःगु खः ।

सम्बन्धित बुखँ

LEAVE YOUR COMMENTS