
यल (नेपालभाषा टाइम्स)- यल महानगरपालिका १६ वडाया दौबहालय् कन्हय् व कंस बहनी व्यापारिक मेला जुइगु जूगु दु । मेलाया झ्वलय् स्थानीय जात्रा, वसः, म्हसीका व संस्कृति न्ह्यब्वयेगु लिसें स्थानीय उत्पादनया बजारीकरण यायेगु आज्जु तयातःगु दु ।
यल मनपा १६ वडा महिला समितिया ग्वसालय् बहनी ४ बजे निसे ९ बजे तक व्यापार मेला यायेत्यंगु खँ वडा अध्यक्ष निर्मलरत्न शाक्यं कनादीगु दु । वय्कलं मेलां पर्यटनया प्रचुर सम्भावना दुगु देशय् च्वनाच्वंपिं स्थानीययात आय आर्जन लिसे स्वायेगु कुतः यायेगु खँ धयादीगु दु ।
मेलाय् सांगीतिक ज्याझ्वःया लिसें स्थानीय हस्तकला सामग्री, स्थानीय नेवाः नसा दुथ्याइगु खँ ग्वसाः खलकं धाःगु दु । ८० गू स्टल दइगु मेलाय् स्वन्ति नखःयात माःगु नसा ज्वलंया लिसें थीथी कथंया सामग्री दइगु खँ नं ग्वसाः खलकं धाःगु दु ।
LEAVE YOUR COMMENTS