रास्वपा सांसदतय् विरुद्ध रिट

येँ(नेपालभाषा टाइम्स)- राष्ट्रिय स्वतन्त्र पार्टी (रास्वपा) या सांसदतय् विरुद्ध अदालतय् अवहेलना मुद्दा दर्ता जूगु दु । अदालतय् विचाराधीन जुयाच्वंगु मुद्दायात प्रभावित यायेगु ल्याखं सतक आन्दोलन यानाः अदालतया अवहेलना याःगु धासें बिउगु निवेदन म्हिगःदर्ता याःगु खः ।

सर्वोच्च अदालतया न्यायाधीश विनोद शर्माया इजलासं दरपीठया आदेश खारेज यानाः रिट निवेदन दर्ता यायेत आदेश बिउगु खः । उगु मुद्दायात कयाः थौं पेशी जुइ । वंगु कात्तिक २ गते ज्वंम्ह रास्वपाया सभापति रवि लामिछानेयात त्वःतेमाःगु माग यासें पार्टीया नेता कार्यकर्तातय्सं निरन्तर प्रदर्शन याना वयाच्वंगु दु । पार्टीया कार्यकर्तातय्सं यानाच्वंगु प्रदर्शनं यानाःन् यायालयया ज्या प्रभावित जूगु खँ रिट निवेदनय् न्ह्यथनातःगु दु ।

रिटय् रास्वपाया २० म्ह सांसद, केन्द्रीय पदाधिकारी व बागमती प्रदेशया पदाधिकारीतय्त विपक्षी दयेकातःगु दु ।