पोर्चुगलय् नं तःजिक स्वांयाःपुन्हि

येँ – युरोपेली राष्ट्र पोर्चुगलय् नं २५६२ क्वःगु स्वांयाःपुन्हिया बुद्धमूर्तिसहितया छगू तःजिगु शान्ति ¥यालीया ग्वसाः ग्वःगु दु ।
भगवान बुद्धया जन्म, संबोधि ज्ञान व महापरिनिर्वाण प्राप्त जूगु त्रिसंयोग चूलाःगु दिंया लसताय् २५६२ क्वःगु स्वांयाःपुन्हिया न्हिकुन्हु लाकाः पोर्चुगलया राजधानी लिस्बनय् शान्ति शोभायात्रा पिथँसे बुद्धया शान्ति सन्देश प्रवाह याःगु खः ।

अन च्वनाच्वंपिं नेपाःमितय्सं वंगु सोमवाः ग्वसाः ग्वःगु शान्ति यात्रां राजधानी लिस्बनया सतक छगुलिं नेपाःमय जूगु खः । बुद्धया किपा, बुद्ध वचनया प्लेकार्ड व बुद्ध वाणीलिसें नेपाःया राष्ट्रिय ध्वाँय् ज्वनाः नेपाःया म्हसीका पिब्वइगु थीथी भेषभूषाय् नेपाःमितय्सं उगु शोभायात्रा पिथंगु खः ।

बुद्ध नेपालय् बूगु खः, बुद्ध शान्तिया प्रतीक खः, बुद्ध एशियाया ज्योति खः, नेपाः भ्रमण यायेनु थेंज्याःगु सन्देश प्रवाह यासें पिहां वःगु ¥यालीइ आपालं मात्राय् पोर्चुगलया बौद्ध धर्म गुरु, लामा, बौद्ध अनुयायीतय् सहभागिता दुगु खः ।

¥यालीइ सहभागितय्सं बुद्ध वचनलिसें बुद्धं शरणम् गच्छामि, धम्मं शरणम् गच्छामि, संघं शरणम् गच्छामि धइगु सन्देश नं वाचन याःगु खःसा ¥याली लिपा अनया छगू पार्कय् जूगु ज्याझ्वलय् पोर्चुगिज बौद्ध धर्मगुरु लामा गिर्मों भगवान बुद्धया दिव्योपदेश, बुद्धया ज्ञान, दर्शनया बारे प्रवचन बियादीगु खः । ¥याली पिहां वये स्वयां न्ह्यः धर्मगुरुपाखें छगू तःजिगु बुद्ध पुजा नं याःगु खः ।