दान्यहिरा सिरपाः राजा शाक्य, मीरा राणाा व बालसुन्यादर मल्लयात

येँ(नेपालभाषा टाइम्स)- नेपालभाषा एकेदेमिपाखें थुगुसी लःल्हाइगु दान्यहिरा सिरपाःया घोषणा याःगु दु । एकेदेमिपाखें दँय्दसं लःल्हाना वयाच्वंगु दान्यहिरा सिरपाः थुगुसी नेपालभाषाया नांजाःम्ह साहित्यकार राजा शाक्ययात लःल्हाइगु जूगु दु ।

एकेदेमिपाखेंं नेपालभाषा वाङ्गमय, संगीत व विज्ञानया विधाय् लःल्हाना वयाच्वंगु प्रतिष्ठित थुगु सिरपाः थुगुसी वाङ्मया विधाय् साहित्यकार शाक्ययात लःल्हायेत्यंगु खः । थुकथं हे संगीत विधाय् थुगु सिरपाः नेपाःया हे नांजाःम्ह म्येँ हालामि मीरा राणायात लःल्हाइगु जूगु दु । अथे हे विज्ञान विधाय् थुगु सिरपाः ई. बालसुुन्दर मल्लयात लःल्हायेगु निर्णय याःगु दु ।

एकेदेमिया दान्यहिरा सिरपाः क्वःछिना समितिया शनिवाः च्वंगु मुँज्या थुगुसी थीथी विधाय् सिरपाः बीपिं व्यक्तिया नां क्वःछिउगु खः । नेपालभाषा एकेदेमिया वर्तमान चान्सलरलिसें बाखं च्वमि यज्ञरत्न धाख्वा थुगु सिरपाःया दाता खः । चान्सलर धाख्वां एकेदेमिपाखें लःल्हायेकथं थुगु सिरपाः नीस्वनादीगु खः । स्वंगुलिं विधाया सिरपाः म्हतिं न्यय्द्वः न्ययद्वः तका दांया खः ।