विश्वशान्ति पदयात्रा क्वचाल
ख्वप(नेपालभाषा टाइम्स)÷ येँया स्वयम्भूनिसें काभ्रे जिल्लाया नमोबुद्ध तक न्ह्याकूगु विश्वशान्ति दीप यात्रा क्वचाल । न्हापांगु दिं असोज ५ गते स्वयम्भुं सुरु जूगु यात्रा श्रीघः विहार जुयाः ख्वपय् थ्यंकूगु ख । यात्राय् सहभागीपिंत सल्लाघारीनिसें हलिं नेवा गुथि ख्वपपाखें लसकुस यानाः हःगु ख । यात्राय् स्वदेशी विदेशी यानाः स्वीम्हेसिया सहभागीत दु ।
ख्वपया मुनिबिहारय् चछि बास तयेधुंकाः छगू ज्याझ्वः यासें वय्कःपिंत अन बिदा बिउगु खः । ज्याझ्वलय् भिक्षु सुमेरी महास्थविर, ख्वप नपा ७ वडा अध्यक्ष उकेश कवां, हलिं नेवाः गुथिया सहभागी योगी स्यस्यः व विहारया उपाध्यक्ष विकास बज्राचार्यं बिदाई बियादिल । अनं दीप यात्रा इन्द्रवर्त महाविहार क्वठण्डौ जुयाः नालाया लागिं न्ह्याःगु खः । नाला गुम्बाय् थ्यंकाः ज्यनाः यानाः भ्वतय् थ्यंकूगु ख । अनं पन्तिइ थ्यंकाः सहभागिपिंत तःजिक लसकुस यासें नमोबुद्ध थ्यंकेयंकूगु खः । यात्राया व्यवस्थापन हलिं नेवाः गुथिं याःगु खःसा वल्र्ड फोरम अफ बुद्धिजमया ग्वसालय् जूगु खः ।
LEAVE YOUR COMMENTS