भेला यायेत नं अनुमति

येँ – संसदय् पेश जुयाच्वंगु शान्ति सुरक्षा विधेयकय् जिल्ला दुने गनं नं शान्ति पूर्ण भेला व सभा समारोह जक याये माल धाःसां नं सीडीओया अनुमति कायेमाः धइगु बुँदायात थन विरोध याना हःगु दु । जिल्लाया छुं नं सार्वजनिक थासय् सभा, समारोह वा भेला जक मखु जात्रा याये माल धाःसां तकं सीडीओया अनुमति कयाः जक यायेमाः धकाः तयातःगु बुँदां पञ्चायतकालीन स्थितिया लुमंति वःगु खँ नं धया हःगु दु ।

थ्व विधेयक आः पारित यायेत दर्ता जक जूगु खः । तर उकियात कयाः विपक्षी लगायतया राजनीतिक दलतय्सं धाःसा छुं प्रतिक्रिया बिउगु मदुनि । पञ्चायतकालय् जक सार्वजनिक थासय् भेला यायेगु लागिं तत्कालीन सीडीओ वा अञ्चलाधीश ज्याकूया अनुमति काये माःगु व्यवस्था दुगु खः । उकियात आःयापिं बहुदल पक्षधर नेतातय्सं कडा आलोचना याइगु खः ।

सम्बन्धित बुखँ

LEAVE YOUR COMMENTS