हलचोक आकाश भैरवया प्रारम्भिक साधारणसभा
येँ(नेपालभाषा टाइम्स)- श्री हलचोक आकाश भैरव समाजया प्रारम्भिक साधारणसभा जुल । वंगु शनिवाः जूगु साधारणसभां समाजया न्हूगु ज्यासना पुचः नं ल्यःगु दु । नागार्जुन नगरपालिका ३ वडाअध्यक्ष उमेश लामा मूपाहांकथं झायादीगु साधारणसभां शेरबहादुर पुतुवारया अध्यक्षताय् न्हूगु ज्यासना पुचः ल्यःगु खः ।
न्हूगु ज्यासना पुचलय् जीवन पुतुवार न्वकु, सुरेन्द्रभक्त श्रेष्ठ छ्याञ्जे, शुक्र पुतुवार लिउछ्याञ्जे व सुन्दर पुतुवार दांभरिंलय् च्वनादीगु दु । थुकथं हे अर्जुन पुतुवार, पुर्ख पुतुवार, नृपेन्द्रलाल श्रेष्ठ, सुनिता पुतुवार, दानकान्छा पुतुवार व लक्ष्मी पुतुवार दुजलय् च्वनादीगु दु ।
उगु हे ज्याझ्वलय् श्री हलचोक आकाश भैरवया पुजा याना वयाच्वंपिं नरबहादुर पुतुवार व थकुवा पुतुवारयात पुजा याःगु वापत बिया बिया वयाच्वंगु अनुदान लःल्हाःगु खः । वडाअध्यक्ष लामां छगू हे ज्याझ्वःया निंतिं व हे शीर्षकय् वडा व नगरपालिका निगुलिं थासय् बजेट माग याये मजिउ धासें श्री आकाश भैरवया निंतिं नगरपालिकां बजेट विनियोजन यायेधुंकूगु जानकारी बियादिसें वडापाखें माःकथंया ग्वाहालि यायेगु जुइ धयादिल ।
ज्याझ्वलय् समाजया संरक्षकपिं सागर पुतुवार, सुरज पुतुवार, सल्लाहकार रविकृष्ण श्रेष्ठ, वडा सदस्यपिं बमबहादुर श्रेष्ठ व राधिका दर्नाल लगायतं भिंतुना न्वचु बियादीगु खः ।
LEAVE YOUR COMMENTS