सहकारी पीडितयात लाठी चार्ज

येँ (नेपालभाषा टाइम्स)÷सहकारी पीडित सर्वसाधारणं म्हिगः याःगु प्रदर्शनय् प्रहरीं लाठीचार्ज याःगु दु । शान्तिबाटिकां प्रदर्शन यासें सिंहदरबारपाखे न्ह्याःवंगु सहकारी पीडितया प्रदर्शनयात भद्रकालीइ थ्यंकाः प्रहरीं लाठी चार्ज याःगु खः ।

लाठी चार्जय् लानाः छुं पीडितत घाःपाः जूगु दु । बचत ध्यबा लित बीमाःगु माग यासें दबाब बीत पिहां वःगु उगु प्रदर्शन निषेधित क्षेत्रय् दुहां वनेत्यंगु धासें प्रहरीं लाठी चार्ज याःगु खः ।

सिंहदरबारपाखे वने मबीवं सहकारी पीडितत शहीदगेटपाखे वंगु खःसा वयां लिपा त्रिपुरेश्वर, थापाथली जुयाः फिब्व ख्यलय् वंगु खः । प्रदर्शनकारीतय्सं ‘काय् म्ह्याय् ब्वनेगु ध्यबा सहकारीइ दु, सहकारी पीडितया छेँय् जा मबू, सुशासनया खँ ल्हानाः सरकार गबलें थाके मजू, सहकारी ठगत मुर्दावाद, गरिबया हिचःतिया कमाइ सहकारीं नया बिल’ च्वयातःगु ब्यानर ब्वया वःगु खः ।

प्रदर्शनकारीतय्सं ठगी याःगु सहकारी व उकिया अध्यक्षया किपा नं ब्यानरय् ब्वया वःगु खः ।

नेपालभाषा टाइम्स

च्वमिया मेमेगु

• स्वम्ह नेवाः मिसा हस्तीपिंत हना
• ख्वनाया रुद्रायणी देगः बजेट अभावं अलपत्र
• असोज १३ निसें नोट हिले दइगु
• तोखाया धर्म संस्कृति सम्बन्धी सफू
• यःसिं हनुमानध्वाखा थ्यन