नकःमिया एकल सांगीतिक ज्याझ्वः क्वचाल

येँ –  नेपालमण्डल टेलिभिजनया ग्वसाः व व्यवस्थापनय् ताःई न्ह्यःनिसें नेपालभाषा व खस नेपाली भाषाया संगीत ख्यलय् समर्पित जुयाः वयाच्वनादीम्ह मनराजा नकःमिया संगीत दुथ्याःगु खस नेपाली व नेपालभाषाया म्येँया लाईभ कन्सर्ट येँया प्रज्ञाभवनय् जुल ।

ज्याझ्वलय् ख्यालिजुजु मदनकृष्ण श्रेष्ठ, संगीता प्रधान, कुन्ति मोक्तान, धनबहादुर गोपाली, जुजुकाजी रंजित, स्वयम्भुराज शाक्य, निशा देशार, टिका प्रसाईं, संगीता शाक्य, यम बराल, आनन्द कार्की, विश्व नेपाली, दिपक लिम्बू, सन्तोष लामा, रमना श्रेष्ठ, रत्नशोभा महर्जन, रामचन्द्र काफ्ले, सरीता शाही, मेनुका पौडेल व प्रकाश तिमिल्सिनापिंसं वय्कःयात साथ बियाः म्येँ न्ह्यब्वःगु खः ।

ज्याझ्वलय् जनकवि दुर्गालाल श्रेष्ठ, मनराजा नकःमिया अबुजु भीमबहादुर नकःमि, डा. रामविक्रम सिजापति, डा. कृष्णहरी बराल, नातिबज्र बज्राचार्य, केशव राजभण्डारी, सुरेन्द्र राना, सुरेशकुमार कार्की, डा. दीर्घसिंह बम, आनन्दरत्न बज्राचार्य, डा. सुनलाल थापा, हेमन्त विवस, राजकुमार श्रेष्ठ, निर्मलरत्न शाक्य, रमेश गाउँले, देवदत्त भट्ट व तुलसी महर्जनया च्वसां पिज्वःगु म्येँत दुथ्याकूगु खःसा दिनेशराज रेग्मीया संयोजनय् २० म्ह बाद्यवादकपिनिगु अर्केष्ट्रा दयेकूगु खः ।

अथे हे ज्याझ्वलय् नेपालभाषाया नांजाःम्ह कलाकार आशिष्मा नकःमिया लिसें मेमेपिं कलाकारपिनिगु हुलाप्याखं नं न्ह्यब्वःगु खः ।

 

सम्बन्धित बुखँ

LEAVE YOUR COMMENTS