स्वीकृति कयाः जक पुनर्निर्माण

येँ (नेपालभाषा टाइम्स)÷यँे महानगरपालिकां प्राचीन स्मारक व पुरातात्विक सम्पदा पुनर्निर्माण याये न्ह्यः सरोकारवाला निकायया अनिवार्य स्वीकृत कायेत निर्देशन बिउगु दु । येँ महानगरपालिकां वडा कार्यालययात पत्राचार यासें नगर क्षेत्रया इन्भेन्ट्रीइ न्ह्यथनातःगु पुरा–तात्विक महत्वया देगः, सतः, हिति लगायत पुनर्निर्माण व मर्मत यायेबलय् विभागया स्वीकृति कायेमाः धाःगु दु ।

उकथं हे जग्गाया स्वामित्व गुथि अन्तर्गत दुगु खःसा गुथि संस्थानया नं स्वीकृति कायेमाः धाःगु दु । महानगरं पुनर्निर्माण यायेबलय् वा स्यंल्ह्वं यायेबलय् सिमेन्ट छ्यले मदइगु व उकिया पलेसा चुना, सुर्खी छ्यलेमाःगु खँ नं धाःगु दु । प्राचीन स्मारक व पुरातत्व सम्बन्धी ऐतिहासिक वा कलात्मक वस्तुया संरक्षणया नितिं दयेकूगु प्राचीन स्मारक संरक्षण ऐन, २०१३ व नियमावली २०४६ कथं पुनर्निर्माण यायेमाःगु खँ स्पष्ट याःगु दु । उकथं हे आवंनिसें वडां छुं नं कथंया निर्माण याये न्ह्यः योजना कार्यान्वयनया जानकारी महानगरया सम्पदा तथा पर्यटन विभागयात याकेत नं धाःगु दु ।

सम्बन्धित बुखँ

LEAVE YOUR COMMENTS