जीबी राइ, भरत महर्जन लिसें झिंच्याम्हेसित नेपाः हयेत निर्देशन
येँ (नेपालभाषा टाइम्स)÷ सहकारीइ ठगे यानाः विदेशय् बिसिउँ वनाच्वंपिं झिंच्याम्हेसित नेपाः हयेत संसदीय छानविन विशेष समितिं सरकारयात निर्देशन बिउगु दु । सोमबाः गृहमन्त्री, गृहसचिव, प्रहरी प्रमुखपिं लिसे जूगु सहलहया झ्वलय् समितिं सहकारी ठगी याःपिं झिंच्याम्ह विदेशय् दुगु खनेदुगु धासें झिंच्याम्हेसियागु नां गृहमन्त्रीयात लःल्हासें उमित तुरुन्त नेपाः हयेत गृहमन्त्रीयात निर्देशन बिउगु खः ।
छानविन समितिया सभापति सूर्य थापाया कथं सानुपाइला, सहारा, सूर्यदर्शन, स्वर्णलक्ष्मी, हाम्रो नयाँकृषि, सुप्रिम व समानता सहकारीइ ठगे याःगु द्वपं लानाच्वंपिं जीबी राई, सुमेरु सहकारीया भरत महर्जन, राजमाया महर्जन, सचिन महर्जन व सरला महर्जन, सूर्यदर्शनया पुलांम्ह अध्यक्ष ज्ञानबहादुर बम्जन, थानबहादु बुढामगर, शिवशिखर सहकारीया भूपेन्द्र राई, तेजबहादुर बम्जन तामाङ व लीलानाथ गौतम, इमेज सहकारीया देवकुमार नेपाली, छेदा नेपाली व दिपक पौडेल, साना पाइला सहकारीया तस्विरण खातुन व असरफ अली, सहारा सहकारी व सुप्रिम सहकारीया सुवा केसी, कान्ति सहकारीया प्रेमध्वज लामा, मेगाडिम सहकारीया महाशंकर रेग्मीयात नेपाः लित हयेत निर्देशन बिउगु खः ।
LEAVE YOUR COMMENTS