सडक पीडितया विजय ¥याली

येँ – उपत्यकाब्यापी सडक विस्तार पीडित संघर्ष समिति थली कचाया ग्वसाः व केन्द्रया संयोजनय् म्हिगः छगू विजय याली पिहां वल । चुच्चेपाटीइ भेला जुयाः उपत्यकाब्यापी सडक विस्तार पीडित संघर्ष समितिया केन्द्रीय नेतृत्वयात स्वांमाः क्वखायेकाः व सकसितं सिन्हः तिकाः औपचारिक रुपं विजय ¥याली सुरु याःगु खः ।

सर्वोच्चया फैसला जनताया जित, सर्वोच्च अदालतया फैसला कार्यान्वयन यायेमाःगु, स्वतन्त्र न्यायपालिकाया नितिं जिमिगु एक्येबद्धता दु धकाः नारा थ्वयेकाः उगु ¥याली पिकाःगु खः । विजय ¥याली सुरु याये न्ह्यः उपत्यकाब्यापी सडक विस्तार पीडित संघर्ष समिति थलीया कजि सानुबाबु विशंखे व जोरपाटी सुन्दरीजल संघर्ष समितिया अध्यक्ष सरोज कुमार श्रेष्ठं विजय जुलुस यायेमाःगु बारे न्ववानादीगु खः । औपचारिक ज्याझ्वलय् सर्वोच्च अदालतं जनताया पक्षय् फैसला याःगु व थ्व धइगु जनताया जित खः धासें उकिया सन्देश बीत अथे मोटरसाइकल सहितया विजय ¥याली पिकयागु खँ वय्कःपिंसं कनादीगु खः । ¥याली थली जुयाः सक्व देय् चाःहिलाः बसपार्कय् थ्यंकाः क्वचायेकूगु खः ।

समापनय् उपत्यकाब्यापी सडक विस्तार पीडित संघर्ष समितिया नायः सुमन साय्मि, शंखरापुर नगरपालिका ६ वडाया अध्यक्ष राधाकृष्ण श्रेष्ठं सर्वोच्चया फैसला जनताया जित खः धासें आः मुआब्जा व क्षतिपूर्ति बिना जनताया जग्गा काये फइ मखु धयादिल । सतक विस्तारया नामय् सम्पदा क्षति याये मदइगु अवस्था वःगु धइगु हे जनताया जित खः धासें वय्कःपिंसं सर्वोच्च अदालतया फैसला व अनं लिपा सरकारं उकिया विरुद्धय् तःगु पुनरावलोकन तकं खारेज जुइधुंकूगु अवस्थाय् कानूनयात पालना यानाः जक सरकार वनेमाः धकाः सः थ्वयेकेत व जनताया जित जूगु सन्देश बीत विजय जुलुस यानागु खँ नं कनादिल ।

अथे हे आः वइगु शनिवाः १४ गते केन्द्रीकृत रुपं येँया शान्तिबाटिकां विजय जुलुस यायेगु जानकारी नं अन बिउगु खः ।

सम्बन्धित बुखँ

LEAVE YOUR COMMENTS