कार्टुनय् स्पष्टीकरण न्यंगुलिं विरोध

येँ (नेपालभाषा टाइम्स)÷नांजाःम्ह कार्टुनिष्ट रविन साय्मिया छगू कार्टुनयात कयाः स्पष्टीकरण न्यंगु खँय् प्रेस काउन्सिल नेपालया आलोचना जूगु दु । ‘नागरिक’ न्हिपतिइ छापे जूगु उगु कार्टुनं आचार संहिता उल्लंघन यात धासें काउन्सिलं २४ घन्टे स्पष्टीकरण न्यंगु खः । थुकिया विरोधय् कार्टुन क्लब लिसें नेपाल पत्रकार महासंघ एशोसियट्सपाखें वक्तव्य पिकासें स्पष्टीकरणया निर्णय लित कायेत इनाप याःगु दु । काउन्सिलं कार्टुनं ‘व्यंग्य यात’ धकाः स्पष्टीकरण काःगु खः ।

पत्रकारतय्सं प्रेस काउन्सिलय् हे वनाः नं थुकिया विरुद्ध ज्ञापनपत्र बीधुंकूगु दु । निर्वाचन आयोगं चुनावया इलय् मिडियाया अनुगमन यायेगु जिम्मा प्रेस काउन्सिलयात बिउगु खः ।

नेपालभाषा टाइम्स

च्वमिया मेमेगु

• ख्वपय् सम्यकया तयारी
• तोखाय् घ्यःचाकु संल्हूकुन्हु चाकु दिवस
• आयुसंस्कार परित्याग दिवसयात कयाः सहलह
• अर्घाखाँची नेवाः समाजया साधारणसभा व अधिवेशन
• डेलावेयर नेवाः पुचःया यःमरि पुन्हि ज्याझ्वः