‘नेवाल–नेपाल’ नांयात कयाः बौद्धिक सहलह

येँ(नेपालभाषा टाइम्स)- नेपाल भाषा एकेदमिं ‘नेवाल’ व ‘नेपाल’ नां सम्बन्धी पुलांगु इतिहासबारे थौं छगू बौद्धिक सहलह यायेत्यंगु दु । किपूस्थित एकेदमिया थःगु हे सभाकक्षय् ‘नेवाल व नेपाल पुलां इतिहास ज्याखँ कुला’ विषयय् बौद्धिक सहलह जुइत्यंगु खः । ज्याझ्वलय् अध्येता गोविन्दबोल श्रेष्ठं ‘नेवाः सु खः ?’, ‘गुब्लेनिसें नेवाःतय् अस्तित्व दत ?’, ‘दकलय् न्हापांगु नेवाः वस्ती गन खः ?’, ‘नेपालभाषा गुलि पुलां ?’ आदि विषयय् केन्द्रित जुयाः मू खँ तयादी । ज्याझ्वलय् नेवाः न्ह्यलुवा डा. महेशमान श्रेष्ठ, नागार्जुन पब्लिकेशनया डा. सर्वोत्तम श्रेष्ठ, सीम्याट कन्सल्टायन्सया ई. बालसुन्दर मल्लपिंसं नं नुगःखँ तयादी ।