स्मार्ट प्रविधि प्रतिस्पर्धाय् नीगू सुझाव
येँ – ÷येँ महानगरपालिकां न्ह्यःने हःगु स्मार्ट सहरी प्रविधि प्रतिस्पर्धा अवधारणाया निंतिं न्हापांगु चरणय् आतकया दुने नीगू सुझाव दुहां वःगु दु । येँ मनपा सहरी योजना आयोगं वंगु मंसिर २६ गते छगू ज्याझ्वःया दथुइ अवधारणा न्ह्यःने हःगु खः । येँ मनपां मंसिर २६ गते न्हापांगु चरणय् स्वीनिन्हुया ई बियाः न्ह्याकूगु अवधारणाया निंतिं आतकया दुने नीगू सुझाव दुहा वःगु जानकारी बिउगु दु ।
येँ मनपां येँ देय्या समस्या पहिचान यानाः उकिया निराकरण, न्हूगु व प्रविधिमैत्री उपाय मालेगु ज्याखं उगु स्मार्ट सहरी प्रविधि प्रतिस्पर्धा–२०७५ अवधारणा न्ह्यःने हःगु खः । अवधारणा सार्वजनिक यासें येँ मनपा प्रमुख विद्यासुन्दर शाक्यं येँ मनपाया समग्र विकासया निंतिं थीथी क्षेत्रया विज्ञपिंत आह्वान यायेगु जानकारी बियादिसें विशेष यानाः समुदाय व वातावरण, महानगरीय सामुदायिक सेवा, सहरी पूर्वाधार, महानगरया सार्वजनिक प्रशासन व व्यवस्थापन लगायत थीथी क्षेत्रयात कःघानाः विचाः आह्वान यायेगु धयादीगु खः ।
उगु विषय दुने च्वनाः येँ महानगरयात समृद्ध यायेत सुं नं व्यक्ति वा संस्थां थःगु क्षमता क्यने फइकथं अवधारणाया निंतिं आह्वान याःगु खः । येँ मनपा सहरी योजना आयोगया सदस्य सचिव सरोज बस्नेतं छनोट जूु दक्वं विषयय् सुझावत दुहां वयेगु क्रम जारी जुयाच्वंगु जानकार बियादीगु दु ।
LEAVE YOUR COMMENTS