इंग्ल्यान्ड युरो कपया फाइनलय्

येँ (नेपालभाषा टाइम्स)- कासाया अन्तिम मिनेटय् वलि वाट्किन्सं याःगु गोलया ग्वाहालि इंग्ल्यान्ड युरो कपया फाइनलय् थ्यंगु दु । नेदरल्यान्ड विरुद्ध बुधवाः चान्हय् जूगु कासाया ९० औं मिनेटय् कोल पाल्मरं बिउगु पासय् वाट्किन्सं विजयी गोल याःगु खः । पाल्मर व कोल निम्हं कासाया ८१ औं मिनेटय् जक मैदानय् वःपिं खः । ह्यारि केन व फिल फोडेनया पलेसा मैदानय् दुहां वःपिं निम्हेसिया कुतलं इंग्ल्यान्ड युरो कपया फाइनलय् वनेत ताःलाःगु खः ।

थ्वयां न्ह्यः निगुलिं टिमं छगू छगू गोल यानातःगु खः । वाट्किन्सया गोल लिपा इंग्ल्यान्डं नेदरल्यान्डयात २–१ गोलं बुकेत ताःलाःगु खः । कासाया न्ह्य्गूगु मिनेटय् हे जाभी सिमोनं गोल यासें नेदरल्यान्डसयात अग्रता बिउगुृ खः । तर थ्व अग्रता ताःई कायम मजुल । थ्वयां झिंछगू मिनेट लिपा हे इंग्ल्यान्डयात पेनाल्टि चूलात । १८ औं मिनेटय् इंग्लिस कप्तान हेरि केनं पेनाल्टिइ गोल यासें कासा बराबरीइ हल । केनयात हे बक्स दुने फल तःगुलिं इंग्ल्यान्डयात पेनाल्टिया ह्वःताः वःगु खः ।

भिआर मार्फत फाउल खः कि मखु स्वयां पेनाल्टि बिउगु खः । थ्व लिपा न्हापांगु हाफय् निगुलिं टिमं गोल यायेमफुत । कासाया ७९ औं मिनेटय् ह्यारि केनया पासय् शाकां गोल याःगु खः, तर अफसाइडया कारणं थुगु गोल धाःसा मबिल । इंग्ल्यान्डं आः आइतवाः चान्हय् स्पेनलिसे बर्लिनय् फाइनल कासा म्हिती ।