लाक्वपाक्व थासय् फोहर वांछ्वइपिंत कारवाही

येँ – येँ महानगरपालिकां लाक्वपाक्व फोहर वांछ्वइपिंत कारवाही याःगु दु । कारवाहीपाखें झण्डै निगूत्या लाख दां नं असुल याःगु दु ।येँ मनपां चालु आर्थिक दँय् क्वःछिना तःगु थाय् स्वयां मेमेगु थासय् फोहर वांछ्वःपिं चय्प्यम्हेसित कारवाही यायेगु झ्वलय् निगू २,३७,३५०/- तका दां असुल याःगु खः । मनपापाखें फोहर कायेत गाडी वइगु इलय् फोहर वां मछ्वयेगु तर, गाडी वने धुंकाः लाक्वपाक्व थासय् व क्वःछिनातःगु थाय् स्वयां मेगु हे थासय् फोहर वांछ्वइपिंत कारवाही याःगु खः ।मनपा कार्यसंचालन शाखाया कथं पुतलीसतक, बागबजाः न्हूसतक, जमः लगायत उकिया जःखःया थासं बहनीसिया इलय् लाक्वपाक्व थासय् फोहर वांछ्वइपिंत कारवाही याःगु खः । मनपां थथे न्ह्यःने लाःथाय् फोहर वांछ्वइपिंत न्यासः निसें छगू लाख तका तक जरिवाना पुइकेगु याना वयाच्वंगु दु । मनपाया कथं थथे फोहर वांछ्वइपिं संस्था वयां व्यक्ति अप्वः दु ।