पद्मरत्नया नामं प्रतिष्ठान गठन (किपा स्वयादिसँ)

येँ – नेवाः न्ह्यलुवा लिसें मानव अधिकार आन्दोलनया अभियन्ता पद्मरत्न तुलाधर व वय्कःया जहान नीलशोभा तुलाधरया नामं ‘पद्मरत्न–नीलशोभा प्रतिष्ठान’ गठन याइगु जूगु दु । म्हिगः वय्कःया हनाय् जूगु नागरिक अभिनन्दन समारोह समितिइ वय्कःया काय व म्ह्याय्पिंसं आः थीथी कथंया ज्या याना वनेगु लागिं धासें उगु प्रतिष्ठानया घोषणा यानादीगु खः ।

लिसें म्हिगः हे उगु प्रतिष्ठानयात थीथी संस्थां ग्वाहालि दां नं बिउगु खः। पद्मरत्न नागरिक अभिनन्दन समारोह समितिया ग्वसालय् जूगु ज्याझ्वलय् न्ववासें भाजु तुलाधर व नेवाः न्ह्यलुवा मल्ल के. सुन्दरं थ्व जंक्वया लसताय् सकल नेवाःतय्सं थः मस्तय्त मांभासं हे न्ववायेगु प्रण याये वा धकाः आह्वान यानादिल ।

समारोह समितिया नायः लक्ष्मीदास मानन्धरया सभापतित्वय् जूगु उगु ज्याझ्वलय् मूपाहां वाङ्मय शताब्दी पुरुष सत्यमोहन जोशीं वय्कःयात ग्वसाः खलया हनापौ व येँ मनपापाखें बुद्धया मूर्ति देछानादीगु खःसा नरेशवीर शाक्यं सुभाय् देछानादीगु खः ।

थ्व स्वयां न्ह्यः शुक्रवाः मेगु हे ज्याझ्वःया दथुइ भाजु तुलाधरयात देय् दुने व पिनेया सछिगू स्वयां अप्वः संघ संस्था हनापौ देछाःगु खःसा म्हिगः उगु हनापौ व थीथी देछा ब्वयेगु ज्या नं जूगु खः । हनेज्या न्ह्यः लाजिम्पाटं छगू ¥याली नं न्ह्याकूगु खः ।

सम्बन्धित बुखँ

LEAVE YOUR COMMENTS