गुज्य मालाकारया याकः ज्याझ्वः
किपू (नेपालभाषा टाइम्स)÷ वरिष्ठ संगीतकार गुज्य मालाकारया याकः संगीत ज्याझ्वः याइगु जूगु दु । इन्द्रेणी सांस्कृतिक समाज (इसास)या ग्वसालय् वइगु ३२ गते शुक्रवाः याकः संगीत ज्याझ्वः जुइत्यंगु खः ।
इसासं आइतवाः छगू पत्रकार सम्मेलन यासें ज्याझ्वलय् संगीतकार मालाकारं झिंन्हय्पु म्ये न्ह्यब्वइगु जानकारी बिउगु खः । ज्याझ्वःया बारे जानकारी बिसें इसासया अध्यक्ष बीरप्रसाद भन्सारीं गुपु म्ये बाजं ग्वसाः सहित न्ह्यब्वयेगु व च्यापु म्ये ट्रायकय् हालीगु खँ कनादीगु खः ।
ज्याझ्वलय् गायकपिं जुजुकाजी रंजित, वीरप्रसाद भन्सारी, सत्यनारायण मानन्धर, सतीश महर्जन, मथुरा महर्जन, दीपा महर्जन, रत्नशोभा महर्जन, मीना महर्जन, रानीशोभा महर्जन, रोजी डंगोल श्रेष्ठ, गंगादेवी महर्जन, स्वस्ती महर्जन, वीरमाया महर्जन, मोहनशोभा महर्जन, प्रमिला महर्जन, रफेला महर्जनया लिसें गुज्य मालाकारया सः थ्वइ ।
पत्रकार सम्मेलनय् वरिष्ठ संगीतकःमि मालाकारया परिचय बियादिसें अध्यक्ष भन्सारीं वय्कलं ४३ दँ न्ह्यः जनकवि दुर्गालाल श्रेष्ठया रचनाय् संगीत तयादीगु छपु लसकुस म्ये नं न्ह्यब्वयेगु खँ कनादीगु खः ।
ज्याझ्वः किपूया बर्खाहितिइ च्वंगु केएनएस किचे ब्यांक्वेटय् जुइसा थुकी टिकटया मू द्वःछि तका तयातःगु दु । ज्याझ्वः लिपा ब्यलिया नं व्यवस्था जुइगु जानकारी बिउगु दु ।
LEAVE YOUR COMMENTS