जुजु डंगोलया लुमन्तिइ बिचाः मुँज्या

येँ (नेपालभाषा टाइम्स)- मत्यवं मदुम्ह समाजसेवी व शिक्षक जुजु डंगोल मदुगु लत्याया पुण्िितथि लाकाः वय्कःया लुमन्तिइ रामघाटय् बिचाः मुँज्या जुल ।

शंखधर साख्वाः स्मृति केन्द्र व पासा कासा पुचःया ग्वसालय् केन्द्रया नायः राजभाइ जकःमिया सभापतित्वय् बिचाः मुँज्या जूगु खः । ज्याझ्वलय् येँ महानगरपालिका २० वडाया अध्यक्ष राजेन्द्र मानन्धर, शान्ति निकुञ्ज माविया प्रधानाध्यापक राधेश्याम प्रधान, शिक्षिका मञ्जु श्रेष्ठ, पवित्र कसाः लिसें स्मृति केन्द्र व पासा कासा पुचःया पदाधिकारी व दुजःपिनि उपपिस्थति दुगु खः ।

ज्याझ्वलय् सहभागीपिंसं मदुम्ह डंगोलया किपाय् स्वांमाः देछासें वय्कःयात लुमंकूगु खः । मदुम्ह डंगोल पासाकासा पुचःया छ्याञ्जे व शंखधर स्मृति केन्द्रया दुजः खः ।