टिन प्रिन्सेज डिभा, लिटिल प्रिन्स एण्ड प्रिन्सेज ज्याझ्वः
येँ – रेडियन्ट इभेन्ट म्यानेजमेन्टया ग्वसालय् जूगु स्वक्वःगु टिन प्रिन्सेज डिभाया उपाधि रोसिका निरौलां त्याकादीगु दु । थनया राष्ट्रिय नाचघरय् जूगु ज्याझ्वलय् वय्कलं मुख्य उपाधिलिसें वेस्ट डे«सया अवार्ड नं ल्हातय् लाकेत सफल जूगु दु ।
झिंस्वदँनिसें झिंन्यादँतक दुपिं मस्तय् दथुइ जूगु धेंधेंबल्लाः कासाय् महिमा वज्राचार्यं फस्ट रनरअपलिसें बेस्ट ट्यालेन्टया नं अवार्ड त्याकेत सफल जूगु दुसा आइसा राई सेकेन्ड रनरअप जुइत ताःलात ।
मुक्कं झिम्ह कासामिपिंसं ब्वति काःगु टिन प्रिन्सेज डिभा–२०१८य् फोटोजेनिक, ब्यूटिफुल, स्माइल, इनर्जेटिक लगायत थीथी विधाय् सिरपाः लःल्हाःगु खः । अथे हे वंगु शनिवाः हे जूगु च्याक्वःगु लिटिल प्रिन्स एण्ड प्रिन्सेज–२०१८ या विजेतायात नं उगु हे ज्याझ्वलय् सिरपाः लःल्हाःगु खः । च्याक्वःगु लिटिल प्रिन्सेजया उपाधि सुप्रिया महर्जनं त्याकूगु दुसा लिटिल प्रिन्सया उपाधि नमन मित्तलं त्याकेत सफल जुल ।
लिटिल प्रिन्सेजपाखे प्राप्या पोखरेल फस्ट रनरअप व प्राश्ना गिरी सेकेन्ड रनरअप जुइत ताःलाःगु दुसा लिटिल प्रिन्सपाखे सुसान्त सुवेदी व जेनिस श्रेष्ठ फस्ट व सेकेन्ड रनरअफ जुइत ताःलाःगु दु । थुगु इभेन्टय् बेस्ट ट्यालेन्ट व डे«सया उपाधि प्राप्तिका तामांगं त्याकेत सफल जूगु दु ।
थुकथं हे थीथी कासामिपिंत फोटोजेनिक, इनर्जेटिक, डिसिप्लिन, चार्मिङ, बेस्ट वाक, भ्युअर्स च्वाइस लिसें थीथी २२ गू विधाय् अवार्ड नं लःल्हाःगु कासाय् गुदँनिसें झिंनिदँ दुीपं मस्तय्सं ब्वति काःगु खः ।लिटिल व टिन निगुलिं कासाय् उपाधि त्याकेत सफल जूपिंसं अन्तर्राष्ट्रियस्तरया धेंधेंबल्लाः कासाय् नं ब्वति कायेखनीगु आः याकनं हे वय्कःपिं देशं पिने जुइगु कासाय् ब्वति कायेत उखेपाखे वनीगु ग्वसाः खलःया नापं राज फैजुं कनादीगु दु ।
इभेन्ट म्यानेजमेन्टया निर्देशकलिसें अन्तर्राष्ट्रिय कोरियोग्राफर तकं जुयादीम्ह पैmजुया कोरियोग्राफी दुगु ज्याझ्वःया निंतिं श्रीसा वैदार फैजुं व म्याम बुटिकया एनी तण्डुकारं डे«स डिजाइन यानादीगु खःसा ज्याझ्वलय् निर्मातालिसें अभिनेता नवल खड्का, म्येँ हालामि पुन्यम प्रधान, समीर हमाल, सिताराम पोखरेल, पत्रकार निलिमा श्रेष्ठ लगायपिं निर्णायकमण्डलय् च्वनादीगु खः ।
LEAVE YOUR COMMENTS