बेलायतया जुजु चाल्र्सयात क्यान्सर
एजेन्सी÷ बेलायतया जुजु चाल्र्स स्वम्हम्हयात क्यान्सर जूगु दु । बकिङघम दरबारं ७५ दँ दुम्ह जुजु चाल्र्सयात क्यान्सर पुष्टि जूगु व उकिया वासः यायेगु सुरु जुइधुंकूगु धासें वक्तव्य पितबिउगु खः । जुजु चाल्र्सया प्रोस्टेटया वासः जुयाच्वंगु खःसा वासः यायेगु झ्वलय् क्यान्सर खनेदुगु खः । वय्कःयात प्रोस्टेट क्यान्सर जूगु मुखुगु नं दरबारं जानकारी बिउगु दु । वय्कःयात छुकिया क्यान्सर जूगु धाःसा जानकारी बिउगु मदुनि ।
जुजु चाल्र्सयात क्यान्सर पुष्टि जुइधुंकाः आः वय्कलं सार्वजनिक ज्याझ्वलय् ब्वति मकाइगु जूगु दु । वय्कःया वास जुयाच्वंगु इलय् रानी क्यामिला व राजकुमार विलियमं राजकीय दायित्व पुवंकीगु जूगु दु । तर संवैधानिक जिम्मेवारी धाःसा जुजु चाल्र्सं यानाच्वनीगु जुइ ।
बिबिसीया कथं जुजु चाल्र्स थःगु स्वास्थ्य अवस्थाया जानकारी वय्कःया काय्पिं राजकुमार विलियम व ह्यारीयात बियावयाच्वंगु दु । अमेरिकाय् दुम्ह राजकुमार ह्यारी याकनं हे बेलायत थ्यकं वइगु जूगु दु ।
बेलायतया प्रधानमन्त्री ऋषि सुनकं थः जुजु चाल्र्सलिसे नियमित रुपं सम्र्र्पकय् दु धाःगु दु । अमेरिकी राष्ट्रपति जो बाइडेनं जुजु चाल्र्सया स्वास्थ्ययात कयाः चिन्तित जूगु धासें याकनं हे नापलाःवनेगु धाःगु दु । क्यानाडाया प्रधानमन्त्री जस्टिन ट्रुडो, अस्टे«लिया प्रधानमन्त्री एन्थोनी अल्बानीजलिसें विश्वया शीर्ष नेतातय्सं वय्कःया स्वास्थ्य लाभ जुइमाः धकाः कामना याःगु दु ।
LEAVE YOUR COMMENTS