इराकय् बम मुयाः ३५ म्ह सित

एजेन्सी- इराकया राजधानी बगदादय् सोमवाः जूगु आत्मघाती बम विस्फोटय् लानाः ३५ म्ह सिबे अप्वः मनूत सीगु दुसा ६० म्ह सिबें मल्याक घाःपाः जूगु दु । घाःपाः जूपिं यक्व थें मनूत गम्भीर जूगुलिं सीपिनिगु ल्याः अप्वयेफुगु अस्पतालं जानकारी बिउगु दु ।

सोमवाः सनिलय् इदया निंतिं तयातःगु व्यस्त बजारय् आत्मघाती बम विस्फोट याःगु खः । विस्फोटया जिम्मा आतंकवादी संगठन इस्लामिक स्टेटं काःगु दु । इस्लामिक स्टेटं ‘नासीर न्युज एन्जेसी ’यात टेलिग्राम यानाः विस्फोट थःपिंसं यानागु धाःगु खः ।

विस्फोट जूगु घटना लिपा इराकया प्रधानमन्त्री मुस्तफा अल काधिमीं आकस्मिक बैठक सःतूगु खः । इराकया राष्ट्रपति बह्राम सालिहं सर्वसाधारणयात याःगु थ्व आक्रमणया निन्दा यासें आतंकवादयात हांनिसें हे लिनाछ्वये माः धाःगु दु ।

इरानी सेनाया प्रवक्तां घटनाया अनुसन्धान जुयाच्वंगु व बजाःया प्रहरी इन्चार्जयात ज्वनेधुंकूगु धाःगु दु । इरान सरकारं सन् २०१७य् हे इस्लामिक स्टेटयात बुके धुनागु घोषणा याःगु खःसां इस्लामिक स्टेटं धाःसा अझं आक्रमण यानाच्वंगु दनि ।

सम्बन्धित बुखँ

LEAVE YOUR COMMENTS