सुजिव वज्राचार्यया मां मंत

येँ । नेवाः जागरण मञ्चया संयोजक व नेपाल संवत् न्हूदँ समारोह समितिया दुजः सुजिव वज्राचार्यया मां लिसें उपासिका तारादेवी वज्राचार्य थौं मंगलवाः सुथय् मंत । असं तक्षेबहाःया दुजः वयकः ८७ दँ दुम्ह खः ।
वंगु छुं ई न्ह्यवंनिसें निमोनिया ल्वचं कयाः उसाँय् मदयाच्वंम्ह वयकः थौं सुथय् मदुगु खः । वयकः नःघःया धर्मकीर्ति विहारय् धम्मावती गुरुमांया प्रवचन न्यनेत नियमित झाइम्ह उपासिका नं खः ।
मदुम्ह वज्राचार्यया स्वम्ह म्ह्याय् लिसें छम्ह काय दी ।
थौ हे मंगलवाः सुथय् ११ः३० बजे लुतिया कर्णदिपय् वयकःया अन्तिम संस्कार याइगु ग्वसाः दु ।