रेडियाकर्मी अष्टमान किसि मंत

येँ (नेपालभाषा टाइम्स)- रेडियो पत्रकारिताया नांजाःम्ह सञ्चारकर्मी अष्टमान किसि मंत । वय्कलं नेपालय् रेडियोया लाइसेन्स काये थाकुयाच्वंगु इलय् थःगु हे रेडियो स्टेशन पलिस्था यानाः रेडियो पर्यावरण चक्र सञ्चालन यानादीगु खः । वय्कःया रेडियोय् ज्या याःपिं आपालं सञ्चारकर्मीत लिपा तःधंगु मिडियाय् ज्या याः वंगु खः । किसि वंगु ताः ई न्ह्यवंनिसें उसाँय् मदयाच्वंगु खःसा म्हिगः सुमेरु अस्पतालय् वासः याकु याकुं वय्कः मदुगु खः ।