नुगःचु ल्वय्या स्वास्थ्य शिविर

यल – यल महानगरपालिकाय वडा नं. ९, वडा अन्तर्गतया स्वास्थ्य कार्यान्वयन समिति व रोटरी क्लब अफ ललितपुरया मंकाः ग्वासलय् यलया गःछेँ बैलाछेँ त्वालय् छगू नुगःचु ल्वय्या शिविर जुल । नुगःचु ल्वय्या कारणं मत्यवं हे आकाझाकां मनू मदयेकाच्वनेमाःगु अवस्थायात वाःचायेकाः जूगु शिविर पाटन हार्ट क्लिनिकया प्राविधिक ग्वाहालिइ जूगु खः ।

समुदायया लिधंसाय् जनतायात सुलभ स्वास्थ्य सेवा बीगु उद्देश्यं जूगु शिविरय् मुक्कं १७९ म्हेसिया स्वास्थ्य परीक्षण यायेगु ज्या जूगु खः ।नुगःचु ल्वय्या परीक्षणया निंतिं सछि तका व होल बडि चेकअपया निंतिं १२०० तका दामं ईसीजी, अल्ट्रासाउण्ड, च्व, हि नापं मेमेगु नं परीक्षण याःगु खःसा निःशुल्क रुपं वासः नं इनेज्या जूगु समितिया नायः सुरज ब्यञ्जनकारं कनादीगु दु ।

स्थानीयस्तरय् जक मखसे राष्ट्रियस्तरय् नं स्वास्थ्य सेवा बीगु तातुनाः गठन यानातःगु वडा नं. ९ अन्तर्गतया स्वास्थ्य कार्यान्वयन समि ति व समिति अन्तर्गतया स्वीम्हेसिया टोल स्वास्थ्य उत्प्रेरकय ा सक्रियताय् जूगु शिविरय् यल मनपा ९ वडा अध्यक्ष राजु महर्जन, रोटरी क्लब अफ ललितपुरया श्यामकृष्ण महर्जन, पाटन हार्ट क्लिनिकया डा. कृष्णकुमार श्रेष्ठ व
वय्कःया प्राविधिक पुचलं विशेष रुपं ग्वाहालि यानादीगु नायः व्यञ्जनकारं कनादिल ।