भाषा विधेयक राजपत्रय् पिहां वल

येँ (नेपालभाषा टाइम्स)÷बागमती प्रदेश सरकारं पारित याःगु भाषा सम्बन्धी कानून प्रदेश राजपत्रय् प्रकाशित जूगु दु । वंगु कार्तिक २३ गते हे थ्व कानून राजपत्रय् पिहां वःगु खःसां राजपत्र धाःसा नकतिनि सार्वजनिक जूगु खः ।

राजतन्त्रय् प्रकाशित जूगुयां १८० न्हु लिपा थ्व स्वतः कार्यान्वयनय् वनीगु खँ धाःगु दु । बागमती प्रदेशया सांसद बसन्त मानन्धरं ‘नेपालभाषा टाइम्स’ यात कनादी कथं सरकारं थ्व कानून कार्यान्वयन यायेत आवश्यक तयारी यायेगु लागिं जक १८० न्हु ई काःगु खः । थुकिया लागिं यायेमाःगु तयारी खास हे यक्व मदुगु जुयाः आः १८० न्हु लिपा थ्व कानून स्वतः हे कार्यान्वयनय् वनीगु खँ वय्कल कनादिल ।

थ्व कानूनं नेपालभाषा व तामाङ भाषायात नं बागमती प्रदेश दुनेया सरकारी निकायय् छ्यलाबुला यायेगु कानुनी मान्यता प्रदान याइ ।